ԲարևԹրեյլզ Տաթև

Արահետը Տանձատափ գյուղը կապում է «Սատանի կամուրջ» բնական հուշարձանին։ Զբոսաշրջիկները ճանապարհին կարող են տեսնել պատմական նշանակության վայրեր, ինչպիսիք են հինավուրց մատուռն և խաչքարերի, ինչպես նաև Տաթևի հանրահայտ Մեծ Անապատը։ Արահետից բացվում են հիասքանչ տեսարաններ, որ Որոտանի կիրճի վրա։

Այս արահետը հատկապես հետաքրքիր է իր բուսական եւ կենդանական աշխարհի բազմազանությամբ:

Կիրճի բնակիչներից են շնագայլը, փորսուղը, հնդկական մացառախոզը, երբեմն նաև հանդիպում են գորշ արջ, սովորական գայլ, եվրասիական լուսան և վարազ: Սրանք բոլորը գիշերային կենդանատեսակներ են և դժվար է նրանց հանդիպել: Սակայն երբեմն կարող եք ճանապարհին կարող եք գտնել նրանց ոտնահետքերը կամ ներկայության այլ նշաններ:

Որոտան կիրճը տուն է հանդիսանում նաև տարատեսակ սողունների, երկկենցաղների և անողնաշարավորների համար: Դուք կկարողանաք այստեղ տեսնել կովկասյան թիթեռների և ճպուռների մի շարք տեսակներ: Առանձնապես հետաքրքիր է կիրճի թռչնատեսակները, այստեղ ապրում են գիշանգղ, սպիտակագլուխ անգղ, սապսան, միջին և կանաչ փայտփորներ, պիրոլ, ժայռային դրախտապան, կարմրակատար շամփրուկ, ջրաճնճղուկ և այլ թռչնատեսակներ։

Տարածքի բուսական աշխարհը նույնպես հարուստ է, այստեղ կարող եք գտնել հիրիկների տեսակներ, գիհիներ, ընկուզենիներ և բոխիներ։