Բարձրացնել իրազեկությունը
բնապահպանական թեմաների շուրջ
Մենք ցանկանում ենք բարձրացնել իրազեկությունը բնապահպանական թեմաների շուրջ և թույլ տալ այցելուներին և տեղացիներին հոգալ բնության մասին։ Մեր նախագծած և բարեկարգած արահետները կօգնեն այցելուներին ավելի շատ բան սովորել կենսաբազմազանության և բնության հրաշալիքների մասին։ Բնապահպանական կրթության շնորհիվ ցանկանում ենք բարելավել մարդ և բնություն փոխազդեցությունների շղթան։
Զարգացնել էկոտուրիզմը
Մենք ցանկանում ենք ստեղծել եւ զարգացնել էկոտուրիզմի ենթակառուցվածքներ՝ ներառյալ արահետներ, հետաքրքիր և կրթական տեղեկտվությամբ նյութերի տպագրություն և այլն։ Զարգացնելով էկոտուրիզմը մենք հուսով ենք, որ զբոսաշրջիկներն ու այցելուներըավելի կայուն արահետներով կայցելեն հարավային Հայաստանի տեսարժան վայրերը և կնպաստեն շրջակա համայքների կայուն զարգացմանը։
Հայաստանում զբոսաշրջության
խրախուսում
Մենք սիրով ընդունում ենք եվրոպացի կամավորներին և նրանց ծանոթացնում հայկական բնության և մշակութային հրաշալիքների հետ։ Մենք ուրախ փորձի փոխանակման հնարավորությունից օգտվելու համար և կարծում ենք, որ համախմբված ջանքերի շնորհիվ կհասնենք ծրագրի վերջնական նպատակին։ Մենք հավատում ենք, որ եվրոպացի կամավորները Հայաստանում հաճելի ժամանակ կանցկացնեն և ապագայում հանդես կգան որպես Հայաստանը էկոտուրիզմի զարգացման վայր ներկայացնող «դեսպաններ»:
BarevTrails– ը եռամյա ծրագիր է: Այն Վեսսեր հիմնադրամի եւ WWF Հայաստանի համագործակցությունն է: Ամեն տարի 60-ից ավելի կամավորներ ժամանելու են Հայաստան և աշխատելու են բնության հատուկ պահպանվող տարածքներում, ինչպիսիք են` Խոսրովի անտառ պետական արգելոցը, Գնիշիկ պաշտպանվող լանդշաֆտը, Տաթևի պլանավորված ազգային պարկը եւ Զանգեզուրի կենսոլորտային համալիրը:
Այս կամավորները կաշխատեն տեղացի և միասին կնպաստեն պահպանվող տարածքներում էկոտուրիզմի զարգացմանը՝ ստեղծելով արահետներ և մշակելով բոլոր անհրաժեշտ նյութերը։ Ծրագրի ընթացքում կատարվելու են տարբեր գործողություններ, ինչպիսիք են ցուցանակների և տեղեկատվական վահանակների տեղադրումը, արահետների բարեկարգումը, դիտակետների ստեղծում, առուների վրա փոքր կամուրջների կառուցում, արահետների վրայից աղբի հավաքում և այլն։ Կամավորները նաև կքարտեզագրեն արահետները GPS սարքերով և հետաքրքիր և կրթական տեղեկատվությունը կներառեն քարտեզներում և ցուցանակներում։
Յուրաքանչյուր խումբ Հայաստանում կմնա 9 օր, որից 7 օրն ամբողջովին նվիրված կլինի բուն նախագծի իրականացմանը։ Ի հավելումն արահետների ստեղծմանն ու էկոտուրիզմի զարգացման համար անհրաժեշտ ենթակառուցվածքների ստեղծմանը՝ կամավորնեը հնարավորություն կունենան այցելել յալ տեսարժան վայրեր Հայաստանում և ծանոթանալ երկրի բնական և մշակութային ժառանգության հետ։